#EuMóvomeNaCasa RETOS DE COMBA

Boas nenos e nenas de Agualada!!

Como levades iso do confinamento?? Espero que o esteades levando ben e o mais importante... que os esteades movendo moito na casa!!

Recordade de ir facendo os retos propostos e de ir anotando o número do reto superado co día no que o facedes. Ademais na páxina web do cole tedes o meu correo e estaría encantadísima de recibir vídeos ou fotos vosas facéndoos. 

Tamén podedes contarnos as vosas experiencias no apartado de comentarios ou propoñer novos retos ou novas formas de moverse inventadas por vós. Se o preferides tamén mas podedes mandar ao correo e eu as comparto. Estou segura de que tedes grandes ideas!!!! 😀

Parece que isto vaise a alargar máis do que pensábamos... e por iso vou a ir actualizando o blogue constantemente ofrecéndovos novas propostas de actividades, xogos e exercicios que poidades realizar nos vosos fogares, xa que é moi moi moi importante a práctica de actividade física nestes momentos para manternos sans e fortes. 

Hoxe vos traio os retos da comba que ao longo deste trimestre os nenos e nenas de 1º, 2º, 3º e 4º estiveron practicando.  Podedes seguir practicando e animo aos de 5º e 6º para que os fagan (se os resultan moi fáciles multiplicades o número de repeticións de cada reto por 2; por exemplo no R1 en vez de dar 5 saltos seguidos dades 10). E estade atentos porque estes días subirei unha nova versión de retos coa comba 😜

Seguramente non todos teñades comba na casa así que tamén os deixo dous tutoriais para facer unha comba caseira reciclada.

Comba con bolsas de plástico

Comba con envases de iogur e soga

ÁNIMO E A MOVERSEEEE!!! 

#EuMóvomeNaCasa..... 14 DÍAS- 14 RETOS

Estes días están sendo un tanto especiais e a situación actual fai que non poidamos continuar coas nosas clases de educación física habituais. 

Para evitar que o virus se expanda, pídennos que quedemos na nosa casa e cancelemos as nosas actividades físicas habituais... peeroo...  Quen dixo que estar na casa impide a práctica de exercicio físico???

Desde aquí gustaríame recordarvos a importancia de que os movades, de facer actividade física xa que como ben sabedes é moi importante para a vosa saúde, e estar moito tempo no sofá vendo a TV, tablet consolas.... pode ser moi prexudicial para vós. 

Por iso, vos propoño 14 divertidos retos físicos para realizar na casa, un para cada día. Podedes practicalos e repetilos tantas veces como queirades ata conseguilos, sos ou con vosos familiares. 

Podedes facelos na orde que queirades, segundo os vaiades conseguindo ide anotando nun folio o número do reto coa data do día. Ademais vos invito, se podedes, a que fagades fotos ou vídeos que o demostren e mandalos ao meu correo, 
Estarei encantada de recibilos!!!

VOS ATREVEDES????

Aquí vos quedan e recordade....

MÓVETE NA CASA!

ENCONTROS DEPORTIVOS

O pasado luns 9 de marzo os nenos e nenas de 5º e 6º de primaria tivemos a oportunidade de asistir a unha xornada de convivencia deportiva ao CEIP Canosa Rus, gracias ao programa XOGADE, enmarcado dentro do noso proxecto deportivo de centro.

Nela podemos realizar diferentes xogos deportivos xunto cos nenos e nenas dos diferentes coles do concello de coristanco (CEIP canosa-rus e CPI Xosé Pichel). Para realizalos os nenos/as dos tres centros educativos mesturáronse para facer 10 equipos. Ao longo da mañá foron rotando para realizar os diferentes xogos:

Despois de xantar, tivemos a oportunidade de visitar a maravillosa biblioteca do ceip Canosa Rus, onde os nenos/as de 5º tiñan preparadas unha serie de actividades e xogos moi interesanres relacionados coa robótica,  impresora 3D, realidad aumentada, búsqueda do tesouro dixital, xogos de mesa, talleres MAKER….

Foi un día xenial nos que compartimos moitas risas e fixemos novos amigos e amigas! Esperamos que pronto se poda repetir xa que temos moitas ganas de facer outra….. 

DÍA DA PAZ

O 30 de xaneiro para conmemorar o día da paz e non violencia, organizamos  no pavillón de Agualada, unha xornada de convivencia co alumnado do noso cole e do CEIP As Forcadas de Corme.

Nela, os nenos e nenas dos dous centros participaron nunha carreira cooperativa solidaria, na que por equipos tiñan que conseguir un número de voltas entre todos os membros.

Para iso podían dar voltas ao circuito das seguintes formas:

- Voltas correndo cara diante (x1)

- Voltas cara atrás (x2)

- Voltas ao cabaliño (x3)

- A silla da raíña (x3)

Desta forma entre todo o equipo tiñan que ir sumando ata que conseguian 100 puntos en total.

Foi unha carreira diferente e moi divertida, na que compartimos moitos bos momentos.

Aquí vos deixamos algunhas fotos da xornada, recordade que podedes velas todas na páxina web do noso cole

 https://www.edu.xunta.gal/centros/ceipdebormoioagualada/galeria/thumbnails.php?album=9

Desde aquí queremos agradecer a vosa implicación na carreira e a colaboración entre todos os compañeiros e compañeiras, totalmente necesaria para superala.

Ademais coa realización desta carreira e gracias a vosa aportación entre os dous centros recadamos 316€ que doamos a ONG "SAVE THE CHILDREN" a cal loita por conseguir os dereitos dos nenos/as mais desfavorecidos, traballando para que teñan o seu dereito á educación.

Despois da carrerira entre todos/as analizamos conflitos do noso día a día e formamos o noso mural da paz.

Para rematar a xornada, bailamos todos xuntos o baile da Carrasquiña.

Moitas gracias por a vosa participación vos esperamos para o ano que ven!!!!!!!

CARREIRA DE CAMPO A TRAVÉS

O pasado venres 29 de novembro os nenas e nenos do cole de Bormoio-Agualada participaron nunha competición de campo a través. Esta primeira proba (fase comarcal) celebrouse en Carballo e a ela acudiron os nenos e nenas de  3º a 6º de Educación Primaria inscritos nas categorías de Benxamín, Alevín e Infantil do programa Xogade da Xunta. Esta actividade enmárcase dentro do Proxecto Deportivo do noso centro. 

Temos que felicitar a todo o alumnado participante polo esforzo realizado para rematar a carreira!! Tamén felicitar as dúas atletas Benxamíns Rihab Hrimou e Luana Huiban Monteagudo xa que foron clasificadas para a seguinte fase (fase intercomarcal) quedando no cuarto e séptimo posto respectivamente. Parabéns campeonas!

Clicade na foto e veredes un pequeno vídeo da carreira!

XORNADA DE CONVIVENCIA DEPORTIVA

        A finais do segundo trimestre, realizamos unha convivencia deportiva entre os alumnos/as do terceiro ciclo do Ceip Bormoio-Agualada, o CPI Alcalde Xosé Pichel e o Ceip Canosa Rus.  As actividades deportivas leváronse a cabo neste último centro. Nesta convivencia os nenos/as dos tres centros educativos mesturáronse para facer dez equipos. Estes dez equipos practicaron diferentes actividades físicas entre eles, como os dez pases, actividades na biblioteca, o xogo de roubar os conos, pelota sentada e brilé. Despóis de xantar tivemos a oportunidade de visitar a fantástica biblioteca do Ceip Canosa-Rús para realizar diferentes xogos relacionados coa robótica, e asistir a representación dunha magnífica obra de teatro representada por algúns nenos/as deste centro.  Foi un día xenial, no cal fixemos moitos amigos e amigas! Témolo que repetir para o seguinte curso!

CARREIRA DE CAMPO A TRAVÉS

Este curso o Ceip Bormoio-Agualada decidiu participar nunha competición de campo a través. A primeira proba (fase comarcal) celebrouse en Carballo o 30 de novembro. Acudiron máis de 40 nenos/as do noso centro dende 3º a 6º de Educación Primaria. Nesta primera fase quedou primeiro na categoría de benxamín masculino Iván Porteiro Souto, clasificándose desta forma para a seguinte proba. A segunda proba (fase intercomarcal) celebrouse o 26 de xaneiro do 2019 na Coruña, e na mesma participou un alumno clasificado da fase anterior, clasificándose para a derradeira fase final, que se celebraría no circuito de Barallobre,  na cal conseguiría o primeiro posto, quedando campión provincial. Noraboa a todos e todas os alumnos/as por participar!!